Комуникологот Сеад Џигал вели дека секоја изјава на јавна личност преку социјалните мрежи е јавна изјава.

– Социјалните мрежи веќе одамна се отворени и јавни комуникациски канали, па така, информациите објавени таму многу лесно стигнуваат до јавноста. Кај нас е многу проблематична токму таа конфузија дека социјалните мрежи служат за приватна комуникација меѓу јавните личности. Ова не можат да го разберат корисниците, кои, за жал, имаат ниска медиумска култура. Изјавата на Стоилковски дефинитивно е за осуда, бидејќи станува збор за дискриминирачки статус. Јавните личности, вклучувајќи го и портпаролот на ВМРО-ДПМНЕ, треба да имаат зголемена одговорност, повисок праг на чувствителност, свесност, но најважно од сè е да имаат медиумска култура. Јавните личности мислат дека можат да се шегуваат и да прават вицови на социјалните мрежи, но таквиот жанр обично повлекува дискриминирачки и нетолерантни наративи – објаснува Џигал.

Портпаролот Наум Стоилковски, новата министерка за финансии ја нарече Нина Групировка.

„Излезе Заев со Нина Групировка за да си го претстави ребалансот… Сега е јасно дека со финансии министерува Заев, а Нина е џирло девојка – презентерка за владините светлечки јојоа и стомак-елиминатори“, стои во фејсбук-статусот на Стоилковски.