Вчера попладне, 22-годишна девојка-возач од тетовското село Ратае удрила во велосипедист, во паркиран авроомбил „Фиат“ и во деловен објект, при што таа е тешко повредена, а повреди има и велосипедистот, соопшти МВР.

„На 21.07.2025 околу 17:10 часот во СВР Тетово е пријавено дека на локалниот пат Тетово-с.Требош, патничко возило „фолксваген поло“ со тетовски регистарски ознаки, управувано од Р.И.(22) од с.Ратае, општина Јегуновце, удрило во велосипед управуван од Р.Р.(64) од с.Требош, општина Желино, по што удрило во паркирано возило „фиат“, паркирано од А.И.(60) од Тетово и во деловен објект. Во несреќата со тешки телесни повреди се здобила Р.И., додека со телесни повреди се здобил велосипедистот, констатирани во Клиничка болница Тетово. По наредба на јавен обвинител, извршен е увид од екипа на СВР Тетово“, пишува во полицискиот билтен.