Групата од од 19 најголеми технолошки гиганти ќе биде предмет на ригорозни обврски според Законот за дигитални услуги (ДСА). Европската комисија одреди кои компании ќе бидат во таа група, пренесува Ројтерс.

Избраните технолошки гиганти ќе мора да се усогласат со сите правила на ДСА, а кој има поголема платформа ќе има построги правила. Тоа значи дека најголемите технолошки компании ќе ја преземат најголемата одговорност за нелегалната онлајн содржина. Меѓу 19-те компании се Гугл Мапс на Aлфабет, Гугл Плеј, Гугл Срч, Гугл Шопинг и ЈуТјуб, Фејсбук и Инстаграм на Meта, Maрлетплејс на Aмазон и Aпп Стор на Епл. Исто така, тука се Линкедин и Бинг, букинг.ком, Пинтерест, Снепчет, Tик Ток, Tвитер, Википедија, Заландо и Aлибаба на АлиЕкспрес.

„Сметаме дека овие 19 онлајн платформи и пребарувачи станаа системски релевантни и имаат специфични одговорности да го направат интернетот побезбеден“, изјави за новинарите европскиот комесар за внатрешен пазар Тиери Бретон.

Компаниите ќе мора да направат повеќе за да се справат со дезинформациите, да им дадат поголема заштита и избор на корисниците и да обезбедат посилна заштита за децата или да ризикуваат казни до 6 отсто од нивниот глобален промет, пишува Ројтерс, пренесува Индекс.хр.