Ако републиканскиот кандидат победи на изборите во САД в година, тој веќе ќе има на располагање обемна и детална платформа за темелни енергетски реформи, кои се дијаметрално спротивни на актуелната политика на Белата куќа и се насочени кон засилена употреба на фосилни горива.

Под покритие од контроверзната фондација Херитејџ, која ги негира климатските промени и е поврзана со петромилијардерот Чарлс Кок, група од 350 конзервативни експерти и политичари го изготвија документот „Мандат за лидерство: Конзервативно ветување“ како водич за идниот републикански претседател во првите шест месеци од мандатот.

Документот на речиси 1.000 страници содржи низа мерки „за деконструкција во сите сектори на федералната администрација“ и во кој се предвидува поништување на сите напори на актуелната влада за борба со климатските промени.

Во главата за енергетика се предлага укинување на трите агенции за енергетска транзиција формирани за да се укине користењето фосилни горива и целосно да се премине кон енергија добиена од обновливи извори. На идниот републикански претседател му се советува да ја прошири инфраструктурата за гас. Како автори е потпишани функционери своевремено назначени од поранешниот претседател Доналд Трамп.

Фондацијата Херитејџ традиционално има силно влијание врз политиката на Републиканската партија. Првиот „Мандат за лидерство“ бил објавен во 1980 година за да му биде од помош на тогашниот републикански претседател Роналд Реган.

– Немам проблем што некоја институција или некое лице развива совети за политичарите. Загрижен сум поради долгата историја на фондацијата Херитејџ да инсистира на поткопување на обидите за заштита на природата, со што се загрозува здравјето и благосостојбата на Американците и животот на планетата воопшто – коментира Наоми Орескес, професорка по историја на науката на универзитетот Харвард.

Коалицијата „Чист буџет“, во која се здружени повеќе од 250 граѓански групи, предупредува дека републиканците уште сега настојуваат да ги минираат програмите насочени против климатските промени.