Речиси 80 лица, меѓу кои и петмина членови на турскиот парламент, се јавиле во Парламентарната болница со поплаки за болки во стомакот, дијареја, повраќање и слабост , објави денес НТВ, пренесува Телеграф.

Сепак, властите негираа дека станува збор за епидемија или случаи на труење, посочувајќи на големиот број луѓе што јаделе во кафетеријата на парламентот во последните денови.

„9.500 луѓе јадеа во Парламентот пред некој ден. Бројот на луѓе што се пожалија не достигна ниту 80. Се чини дека оваа ситуација не е директно поврзана со Парламентот “, се наведува во соопштението на Парламентот.

Беа земени примероци од сите оброци и вода што се служеа во парламентарните ресторани и беа испратени на анализа.

Тимовите за јавно здравје, исто така, започнаа детална истрага во кампусот на Парламентот .