Општина Центар започна со есенска дератизација, најпрво во населбите Буњаковец и Маџир Маало, која ќе се спроведува во текот на овој месец и со која ќе бидат опфатени сите шахти на нејзина територија.

Дератизацијата ја спроведуваат општински служби со цел да се уништат штетните глодари, инсекти и да се превенира можна појава на заразни болести. Ова е една од општите мерки кои општината ги презема за заштита на населението од заразни болести во согласност со Програмата за активностите на Општина Центар во областа на здравствената  заштита за 2024 година.

Општина Центар ги известува граѓаните дека при процесот на дератизација се користи препарат од сертифициран производител кој ја третира популацијата на глодарите, издаден со одобрение од Министерство за здравство, кој не претставува опасност за останатиот животински свет.

Дератизација во Општина Центар се врши два пати годишно во пролетниот и есенскиот период.