Украинската Врховна Рада денес гласаше за предлогот за назначување на поранешниот премиер Денис Шмихаљ за нов министер за одбрана.

Зборувајќи за своите приоритети, Шмихаљ рече дека задачата на Министерството за одбрана на Украина е да му обезбеди на секој војник сè, од муниција, најнови комуникациски технологии, навремени плаќања до медицинска поддршка.

„Втората задача е да се зголеми вооружувањето до капацитет што ќе ја скрши способноста на непријателот да продолжи со војната. Прво, тоа е да се зголеми сопственото производство. Нашата трета задача е континуирана работа на Министерството за одбрана“, им рече Шмихаљ на пратениците, пренесува „Суспилне“.