Русија спроведува координирана хибридна војна против Данска и Европа, користејќи воени и технолошки средства за притисок без да премине во отворен вооружен судир.

Ова го изјави директорот на данската воена разузнавачка служба (FE), Томас Аренкиел, на прес-конференција во Копенхаген заедно со министерот за одбрана, Троелс Лунд Поулсен.

Руски десантен брод подготвен за интервенција

Аренкиел наведе неколку конкретни инциденти. Руски десантен брод бил закотвен со денови во меѓународни води јужно од островот Лангеланд со исклучен идентификациски систем.

Според него, бродот бил подготвен да интервенира доколку данските сили се обиделе да го спречат движењето на друг руски брод од т.н. „флота во сенка“.

❗️The Danish newspaper Ekstra Bladet reports that on the day the drones appeared in 🇩🇰Danish airspace, the 🇷🇺Russian Project 775 Landing Ship “Alexander Shabalin” of the Baltic Fleet was located off the coast of Denmark.

The ship was discovered with its transponder turned off… pic.twitter.com/id9XoMS79N

— 🪖MilitaryNewsUA🇺🇦 (@front_ukrainian) September 26, 2025

Станува збор за бродот Александар Шабалин, кој бил забележан од новинари од „Екстра Бладет“ со хеликоптер, по што се повлекол.

Дополнително, данските власти регистрирале повеќе случаи на руски воени бродови кои пловеле по судирен курс со дански воени единици и насочувале оружје и радари кон нив. Во барем еден инцидент, руските бродови користеле опрема за попречување, што предизвикало големи прекини во GPS-системите во Данска.

Дронови и хибридни операции

Минатата недела над шест дански аеродроми и воени бази биле забележани неидентификувани дронови. Разузнавањето се сомнева дека тие биле лансирани од руски бродови што пловеле кон Калининград и Санкт Петербург.

„Русија намерно поставува дронови во европскиот воздушен простор за да не тестира и да покаже воена сила. Таа сака да создаде чувство на непосредна закана и да внесе поделби во западните општества“, изјави Аренкиел.

И покрај агресивните активности, тој нагласи дека Русија не сака директен вооружен судир со Данска, бидејќи тоа би носело премногу ризици.

Хакерски напади и инфраструктура

Аренкиел предупреди и на интензивни сајбер-напади. Проруските хакери ја нападнале водоводната инфраструктура на Данска, што предизвикало пукање на цевки, а комуналните компании се соочуваат со до 6.000 хакерски напади на час.

„Русија верува дека може да ги користи овие методи без ризик од ескалација или одмазда“, рече тој, додавајќи дека Москва е убедена дека и НАТО користи слични тактики кон неа.