Данска ги повлече капините од Србија поради присуство на норовирус, објавено е на веб-страницата на Европскиот систем за брзо предупредување и известување за храна (РАСФФ).

Според информациите, била извршена официјална контрола на пазарот, по што била прекината дистрибуцијата во други земји. Оваа информација ја објави Шведска, преку која заразените капини биле дистрибуирани во Данска. Во ова овошје е пронајден норовирус (вируси кои предизвикуваат стомачен грип или гастроентеритис кај луѓето), а здравствениот ризик бил означен како „тежок“, објави Нова.рс.