Анализата на „Скај њуз“, врз основа на картографски податоци и геолокацирани снимки, покажува дека руската армија ги потиснала украинските сили во близина на Суџа во областа Курск.

Во август 2024 година, украинските сили ја преминаа границата и ја започнаа најголемата офанзива на руска територија од Втората светска војна, заземајќи најмалку 1.000 квадратни километри. Последните карти од 4 и 10 март покажуваат дека Украинците изгубиле значителен дел од таа територија.

До средината на февруари, извештаите покажаа дека Русија вратила најмалку 800 квадратни километри. Руското Министерство за одбрана соопшти дека во изминатите неколку дена повторно се заземени повеќе од 100 квадратни километри и десетина населени места во регионот.

Геолокацирани снимки покажуваат руски знамиња во селата во близина на Суџа, вклучувајќи го и Замостје, кој се наоѓа на помалку од 1,5 километар од центарот на Суџа.

Инаку Суџа е поврзана преку автопат до Јунакивка во Сумиската област, веднаш преку украинската граница. Доколку руската војска ја преземе контролата врз оваа област, тоа би можело да ја загрози логистиката на украинската одбрана во регионот Суми, предупредуваат воените аналитичари.

Телеграм канал поврзан со руските воздушни трупи објави кратко видео на кое се гледа руско знаме на централниот плоштад во Суџа, а потоа тоа се најде и на сајтовите на државните медиуми „ТАСС“ и „РИА новости“.

Руските сили ослободија повеќе населени места во Курск во изминатите денови откако брзо напредуваа во својата противофанзива. Независниот воен аналитичар Јан Матвеев смета дека Украинците се повлекле од Суџа без борба со цел да спасат војници и опрема. Тој смета дека Русите ќе ја преземат контролата врз целиот регион Курск до крајот на денот.

„Украинците постепено се повлекуваат од Курск. Видовме како сите области паѓаат под контрола на руските сили со малку или без отпор. Истото важи и за Суџа. Нема никакви снимки од борби. Во овој момент може да се каже дека целиот град Суџа е под контрола на Русија. Украинските сили би можеле да се обидат да задржат некои погранични села уште неколку дена“, изјави воениот аналитичар Руслан Левиев.

Суџа – клучна точка на борбите во регионот Курск

Градот Суџа, кој украинските сили го зазедоа во август 2024 година како дел од големата офанзива во регионот Курск, сега е место на жестоки борби.

Според информациите на блог каналот ШОТ, операцијата опфаќа:
✅ 11-та воздухопловна бригада
✅ 106-та воздухопловна бригада
✅ 30-ти полк

Чекор по чекор, руските сили ја враќаат контролата врз градот. Голем дел од украинските војници веќе ги напуштија своите позиции, но преостанатите единици сè уште пружаат отпор.

Руската војска користи јуришни групи и беспилотни летала, прецизно гаѓајќи ги непријателските цели, што им овозможува да напредуваат кон периферијата на Суџа и понатаму кон украинската граница.

Операција во Суџа – дел од пошироката руска контраофанзива

Операцијата во Суџа е дел од пошироката руска контраофанзива, започната на почетокот на 2025 година, откако украинските сили ја загубија контролата врз повеќето од претходно окупираните територии.

Ruska vojska podigla zastavu u centru Sudže pic.twitter.com/BZMysX4MuX

— Oruzje Online (@oruzjeonline) March 12, 2025

Руското Министерство за одбрана претходно извести за ослободување на неколку населени места во областа Курск, вклучувајќи ги Малаја Локња и Казчја Локња, што им овозможи на војниците да стигнат до Суџа.

Според РИА Новости, од септември 2024 година, руските сили повторно зазеле над 800 км² територија, принудувајќи ја украинската војска да се повлече под притисок на нумерички супериорните сили и интензивните воздушни напади.

Военото повлекување од Курск – политички маневар на Западот?

Во меѓувреме Украина и САД ја разгледуваат можноста повлекувањето на вооружените сили на Украина од регионот Курск да го прогласат за „гест на добра волја“, со цел потоа да и постават ултиматум на Русија, повлекување на нејзините војници од регионот Харков, пишуваат руските аналитичари.

Според анализите на руските воени експерти, овој потег би можел да стане дел од дипломатската стратегија на Киев и неговите западни сојузници, чија цел е промена на динамиката на конфликтот и преземање иницијатива во преговорите.

Доколку се спроведе овој план, военото повлекување ќе се прикаже како политички маневар, со што ќе се спаси меѓународниот углед на Украина и ќе се зачува поддршката од Западот.

Можни проблеми во спроведувањето на планот

Сепак, реализацијата на ова сценарио се соочува со сериозни предизвици:
? Москва постојано нагласува дека нема да попушти под притисок,
? „Гестовите на добра волја“ често се толкуваат како знак на слабост,
? Во 2022 година, Русија го оправда своето повлекување од регионите Киев и Харков како „гест на добра волја“, што може да послужи како преседан, но овој пат во спротивна насока.

Сепак, политичката реторика и дипломатските игри би можеле да станат важен фактор во наредните месеци, бидејќи конфликтот влегува во нова фаза на стратешко натпреварување.