Вечерва се случил вооружен грабеж во продавницата за бела техника „Нептун“ лоцирана во склоп на националната арена „Тоше Проески“ во Градскиот парк во Скопје, објави ТВ21.

Според информациите, во 20:30 часот во „Нептун“ влегле двајца маскирани разбојници, вооружени со пиштоли.

Тие веднаш им кажале на вработените: „Вадете ги парите од касата, ако некој викне полиција, сите ќе ве убиеме“.

Кусо време по грабежот, на местото пристигнала интервентната полиција, која според информациите на ТВ21, по потера низ Градскиот парк фатила еден од разбојниците, додека другиот успеал да избега.