Партиите во Србија биле убедливо најзастапени во централните информативни емисии на телевизиите со национална концесија во последните седум месеци, додека опозициските партии биле едвај видливи, покажува анализата на медиумската содржина на организацијата Црта.

Црта оценува дека новите податоци се уште еден показател за непостоењето на плурализам во медиумите  што е исклучително загрижувачко имајќи во предвид дека со тоа на граѓаните им се ускратува правото на објективно информирање.

На политичките актери во централните вести им се посветени 170 часови програма, од кои дури 92 отсто им припаѓало на актерите од владејачките партии и тоа во неутрален (61 отсто) или во позитивен тоналитет (38 отсто).

За политичките актери од опозицијата биле резервирани само 8 отсто од времето во текот на кое се доминантно претставани негативно (63) отсто.

Како што соопшти невладината организација Црта, од политичките актери, претседателот на Србија и Српската напредна партија Александар ВУчиќ во изминатите седум месеци бил речиси секој втор соговорник во телевизиските вести и за него било резервирано речиси половина од вкупното време определено за политичките актери.

Премиерката Ана Брнабиќ била застапена во дури шест отсто од вкупното време, а следуваат министрите Златибор Лончар со 4, па Александар Вулин и Синиша Мали со по три отсто.

„Независно од застапеноста во програмите на централните информативни емисии, Александар Вучиќ во текот на пет месеци секој втор ден се обраќал во живо на граѓаните преку медиумите. Црта забележала дека Александар Вучиќ дури 67 пати гостувал во живо во телевизиските емисии или се обраќал преку вклучување од разни собири“, се наведува во анализата.

Со истражувањето се опфатени централните информативни емисии на РТС, Пинк, Прва, Хепи и Б92, во периодот од прогласувањето на официјалните резултати од парламентарните избори во јули 2020, до почетокот на меѓупартискиот дијалог на 1. март 2021 година.

Извор: Бета