Црна Гора побара од Европската унија и НАТО итна помош во здравствените работници, кои ќе им помогнат во борбата против коронавирусот, бидејќи, како што рече црногорскиот министер за надворешни работи, Ѓорѓе Радуловиќ, нивниот здравствен систем е пред колапс.

Во писмо до колегите во земјите-членки на ЕУ, Радуловиќ побара, доколку се во можност, итно да испратат лекари, техничари и друг медицински персонал во Црна Гора, пишува „Побједа” од Подгорица.

„За да одговориме на овој предизвик, го обновивме барањето до Механизмот за цивилна заштита на ЕУ за дополнителна помош. Овој пат бараме човечки ресурси – лекари, техничари и друг медицински персонал, кои, доколку дозволат околностите, ќе бидат распоредени ќе им помогнат на нивните црногорски колеги  во борбата против сериозната болест. Итно ни треба помош од лекари и друг медицински персонал од вашатите земји “, напишал Радуловиќ во писмото во кое редакцијата „Побједа“ имала пристап.

Според весникот, Владата не ја известила црногорската јавност за овој апел до Европската унија.

Поддршката се бара во рамките на Механизмот за цивилна заштита на ЕУ со цел да се стави под контрола епидемијата во Црна Гора.