Црна Гора станува сè поатрактивна дестинација за дигиталните номади благодарение на иницијативите кои ја подобруваат правната и инфраструктурната рамка. Со веќе воведената двегодишна виза за дигитални номади, земјата се обидува дополнително да се позиционира на глобалната карта за работа на далечина, пренесува РТЦГ.

Оваа иницијатива претставува важен чекор кон позиционирање на Црна Гора како регионален лидер за дигитални номади. Како што се наведува во соопштението, Црна Гора нуди виза за дигитални номади со која кандидатите кои ги исполнуваат критериумите можат да останат во земјата две години, а која важи за сите работници на далечина кои не се членки на ЕУ. Владата на Црна Гора на крајот на 2021 година ја усвои програмата за привлекување дигитални номади во Црна Гора до 2025 година, а тие го препознаа потенцијалот на Црна Гора како нивна идеална дестинација, објави Пословни дневник.