Барселона пред неколку дена го потврди заминувањето на Чави од клупата, а шпанскиот стратег денеска треба да пристигне во клубот за да потпише раскине на соработката.

Медиумите во Шпанија пренесуваат и за еден голем гест кој го направил Чави. Имено, Чави одлучил да се откаже од платата во последната година од договорот и така и заштедил на Барселона помеѓу 11 и 12 милиони евра.

Единствениот услов кој Чави го поставил бил остатокот од стручниот штаб да биде платен до крајот на договорот, односно до летото 2025 година колку што е вкупната сума за сите – околу три милиони евра. Покрај тоа, Чави одбил да има проштална конференција или било каква церемонија.

Тој на натпреварот со Севиља веќе знаеше дека си заминува, а потоа џентлменски се прости со сите новинар, а истото го направил и со фудбалерите на последниот тренинг.