Цената на златото достигна нов рекорд бидејќи расте загриженоста поради трговската војна меѓу САД и Кина. Една унца злато сега вреди повеќе од 3.200 долари (2.454 фунти), што е првпат да ја надмине таа граница, бидејќи инвеститорите се свртуваат кон таканаречените безбедни засолништа. Швајцарскиот франк, уште едно безбедно засолниште, го достигна највисокото ниво во последните 10 години во однос на американскиот долар, бидејќи повторно продолжи распродажбата на државните обврзници на САД што започна претходно оваа недела.

Сето ова го одразува целосниот недостаток на јасност на финансиските пазари денес, изјави Оливие д’Асир од инвестициската компанија SimCorp за Би-би-си.

Како што рече, сега живееме во свет без правила, кога станува збор за трговија, безбедност, здравје, па дури и суверенитет.

„Затоа сигурните ивестиции како златото, швајцарскиот франк и државните обврзници надвор од САД се единствената опција во моментов“, рече тој. Би-би-си нè потсетува дека безбедно засолниште е инвестиција од која се очекува да ја задржи или дури и да ја зголеми вредноста во периоди на економска несигурност, пренесува Танјуг.