Целото население на Газа останува во критичен ризик од глад, при што половина милион луѓе веќе се соочуваат со глад, изјавија денес експертите за безбедност на храната од Интегрираната класификација на фази на безбедност на храната (IPC).

Според најновата проценка, ова претставува значително влошување од последниот извештај во октомври, објави денес Ројтерс.

Најновата проценка на IPC го анализираше периодот од 1 април до 10 мај оваа година и даде проекции за ситуацијата до крајот на септември, според кои Газа е во критичен ризик од глад доколку Израел не ја укине блокадата и не ја прекине својата кампања против палестинската милитантна група Хамас во Газа.