Бурниот летен преоден рок во женскиот фудбал продолжува да ги поместува границите на вредноста на трансферите, а новиот светски рекорд го постави француската репрезентативка Грејс Гејоро, со преселбата од ПСЖ во редовите на англискиот Лондон Сити Лионесес.

Пред само два месеца беше урнат претходниот рекорд од 1,15 милиони евра, кога Арсенал ја доведе Канаѓанката Оливија Смит од Ливерпул која во меѓувреме падна и на четвртото место, сега е поставен новиот рекорд.

WSL newcomers London City Lionesses have agreed a world record deal to sign Grace Geyoro from PSG! 😲

Rate the signing out of 🔟 pic.twitter.com/LbxUWmZWM6

— BBC Sport (@BBCSport) September 5, 2025

Екипата на Лондон Сити плати сума 1,65 милиони евра за нејзините услуги, што е највисока сума платена за една фудбалерка досега. Интересен е и податокот дека во овој преоден рок се реализирани дури пет од седумте најголеми трансфери во женскиот фудбал.

Гејоро е веќе долгогодишен столб во средниот ред на француската репрезентација. Од 2017 година има одиграно 103 натпревари и постигнато 23 голови во националниот дрес.

Кариерата ја започна токму во ПСЖ во 2014 година, каде што освои една шампионска титула, три купа и двапати играше финале во Лигата на шампионите. Сега, со овој трансфер, таа не само што прави голем чекор напред во својата кариера, туку ја испишува и историјата на женскиот фудбал.