Обединетите нации изразија сериозна загриженост за здравјето и безбедноста на најмалку 130 болни и ранети луѓе киднапирани од борците на паравоената организација М23 од две болници во Гома, во источниот дел на Демократска Република Конго.

Борците од организацијата поддржана од Руанда извршија рација во болницата ЦБЦА и болницата „Хиал Африка“ во неделата навечер, киднапирајќи пациенти во текот на ноќта кои ги обвинија дека „се членови на армијата на ДРК или на провладините паравоени сили Вазалендо“, објасни портпаролката на Канцеларијата за човекови права на ОН Равина Самдасани.

Според соопштението, М23 („Движењето на 23 март“), кое повторно зеде оружје во 2021 година против владата во Киншаса и ја зазеде Гома, главниот град на провинцијата Северен Киву, кон крајот на јануари, киднапираше 116 пациенти од болницата CBCA и уште 15 од болницата „Хиеал Африка“. Утрото петмина цивили кои биле меѓу уапсените од ЦБЦА се вратиле во болницата откако биле пуштени, според истиот извор.

ОН, исто така, го повика М23 да „преземе итни и опипливи мерки за да гарантира крај на таквите произволни и навредливи напади“. Според меѓународното хуманитарно право, „ранетите и болните мора да добијат медицинска нега и внимание што им е потребно“, потсети УНХЦР.

М23, со поддршка од приближно 4.000 војници од Руанда во источниот дел на Демократска Република Конго, според експертите на ОН, продолжил со нападите, а по Гома, кон средината на минатиот месец го освои Букаву, главниот град на соседната провинција Јужен Киву.