Македонскиот фудбалски репрезентативец Езџан Алиоски, е непожелен во својот роден град, Прилеп. Имено, тој заедно со родителите и роднини седнал на семеен ручек но бил избркан откако вработените ги слушнале дека зборуваат на албански јазик.Потоа им рекле да заминат со образложение дека сите маси се резервирани и нема место во ресторанот.

– Доживеав да бидам непожелен во ресторанот Ла Страда во Прилеп, само затоа што заедно со моето семејство зборувавме на албански јазик. Јас сум репрезентативец на Македонија и давам се од себе на секој натпревар за оваа земја, искрено и од срце. Но, секако не гледам зошто немам право да зборувам со моето семејство на мојот мајчин јазик. Навистина се чувствувам многу посрамено – изјави Алиоски за Екипа.мк.

Откако вработените увиделе дека станува збор за фудбалерот на Лидс и член на македонската репрезентација тие се обиделе да ја исправат ситуацијата но самиот фудбалер не сакал да остане во ресторанот.