Британскиот носач на авиони спроведе воени вежби во водите кај јужнокорејскиот Бусан
Британскиот носач на авиони HMS „Принц оф Велс“ спроведе воени вежби во меѓународни води во близина на јужнокорејското пристаниште Бусан, објавија денес официјални лица, наведувајќи дека Обединетото Кралство испраќа јасен сигнал за зајакнување на своето стратешко партнерство со Јужна Кореја.
Препорачано
-
1
-
2
-
3
Според соопштението од Британската амбасада во Сеул, носачот на авиони од 65.000 тони во понеделник спроведе демонстрација на своите воздушни способности, вклучувајќи ги и ловците F-35B кои се наоѓаат на бродот, објави јужнокорејската новинска агенција Јонхап.
„Посетата на HMS „Принц оф Велс“ на корејските води ја нагласува силната посветеност на Велика Британија кон безбеден и просперитетен Индо-пацифички регион, како и длабочината на нашето партнерство со Кореја“, изјави британскиот амбасадор во Јужна Кореја, Колин Крукс.
фото: EPA
По демонстрацијата, морнариците на Јужна Кореја и Велика Британија, исто така, спроведоа заеднички вежби со по три брода од секоја земја, со цел подобрување на меѓусебната интероперабилност и оперативните способности.
Вежбите се дел од осуммесечната мисија на британската морнарица во Индо-пацифичкиот регион наречена „Операција Хајмаст“.
Во 2023 година, по повод 140 години дипломатски односи, двете земји го подигнаа својот однос на ниво на „глобално стратешко партнерство“ со фокус на областите на безбедноста и одбраната.
