Ли Брукфилд, диџеј од Велс се изјасни за виновен за напад откако уринирал врз маж кој боледува од рак на 26 декември 2023 година. Брукфилд денеска беше осуден на 14 недели затвор. Питер Бартон му раскажал на Брукфилд (40) за неговите проблеми со простатата во тоалетите на тенискиот клуб Ланели, по што диџејот уринирал на грбот на постариот. Притоа тој снимил што прави и видеото го објавил на интернет.

„Обвинетиот влегол во тоалетот и разговарал со тужителот кој му кажал дека неодамна му бил дијагностициран рак на простата. После тоа, обвинетиот уринирал врз тужителот и објавил видео од инцидентот на интернет“, рече обвинителката Луси Менсфилд за време на судењето.

Бартон не знаел што се случило додека Брукфилд уринирал на неговата облека. За целиот настан дознал дури кога го видел објавеното видео. 40-годишниот диџеј и се извини на жртвата на суд и рече дека е згрозен од неговото однесување, пишува Скај њуз.

Со оглед на тоа што Брукфилд веднаш се изјасни за виновен, судот рече дека има право да си ја намали казната за една третина. Исто така, му било наредено да плати отштета од 500 фунти (околу 580 евра), трошоци од 85 фунти и доплата од 154 фунти.