Пресудата на Апелациониот суд во случајот на Питер Саливан става крај за, како што многумина сметаат, најдолготрајна грешка во правдата во британската историја, пренесува Скај Њуз.

Тој бил прогласен за виновен за убиството на 21-годишната Дајан Синдал во 1986 година, која била претепана, силувана и оставена во уличка во Биркенхед, Мерсисајд.

Саливан, кој бил затворен во 1987 година – отсекогаш тврдел дека е невин и првпат се обидел да ја оспори својата пресуда во 2016 година, но Комисијата за преглед на кривични предмети  одби да го упати случајот, а тој ја изгуби и сопствената жалба во 2019 година.

Две години подоцна, тој повторно побара од Комисијата да го разгледа неговиот случај, а новите тестови, нарачани од комисијата, открија дека ДНК-та на г-дин Саливан не била присутна на примероците зачувани во тоа време.

 -Ја изгубив слободата пред четири децении поради кривично дело што не го сторив. Она што ми се случи беше многу погрешно, но не го намалува фактот дека она што се случи беше гнасна и најстрашна загуба на животи.“

Тој додаде дека не е ниту лут, ниту огорчен по долгите години неправедно одлежување на затворската казна.