Бојан Круљ во продолжението од сезоната нема да го води тимот на Брера, потврди струмичкиот клуб.

Брера имаше лош почеток на сезоната и по стартниот триумф против Вардар во првото коло нанижа три порази. Таквата ситуација беше доволна за раководството да се одлучи да го отпушти.

Заедно со Круљ заминуваат и неговите помошници, Милан Поповиќ и Душан Дошљак.

„Сакам да му се заблагодарам на Бојан Круљ со неговите помошници за посветената работа во изминатиот период. Одлуката е заедничка, во интерес на клубот за наредниот период. Јавноста наскоро ќе биде информирана околу изборот на новиот тренер. Ни следува репрезентативна пауза која ќе ја искористиме за максимална подготовка на првиот тим за следните мечеви од оваа сезона“, изјави генералниот директор Ване Стојанов.