27-годишен поранешен босански војник е уапсен во раните утрински часови во Есен, Германија, под сомнение дека планирал исламистички терористички напад.

Во зори, специјалните полициски сили извршија претреси во најмалку шест станови во градовите Есен, Дортмунд и Дизелдорф.

Покрај 27-годишникот, во Дортмунд е уапсен и негов соучесник, но не е сигурно дали тој бил свесен за понатамошните планови на Босанецот, кој веќе бил под надзор на Федералната канцеларија за заштита на Уставот.

Го бараа за комерцијална измама.

Според соопштението од обвинителството во Диселдорф, првичната истрага се однесувала на комерцијална измама, бидејќи 27-годишникот, заедно со други, наводно купил скапи електрични апарати без да плати за нив, со намера да ги препродаде.

Сепак, подоцна беше откриено дека тој планирал да ги искористи приходите за финансирање на терористички напади.

„Истрагите спроведени од страна на полициската станица во Есен, под раководство на Јавното обвинителство во Диселдорф, открија, покрај сомневањето за обична комерцијална измама, индиции дека приходите од измамничките акти биле наменети за финансирање на терористички напад со исламистички мотив“, изјави портпаролот на полицијата.

Тој самиот зборуваше за петцифрени суми што веќе биле собрани од осомничениот на овој начин.