Двајца државјани на БИХ претепале во саботата двајца полицајци пред најпознатата јавна куќа во Штутгарт.

При интервенцијата во саботата утрото во 3.30 часот повредени биле двајца полицајци на возраст од 23 и 28 години кои заради тоа не можеле да продолжат да ја извршуваат својата работа.

Полицајците се повикани заради агресивно однесување на 21-годишен државјанин на БИХ, кој се бунел затоа што не му бил дозволен влез во „Драј-фарбен-хаус“, најстарата јавна куќа во Штутгарт.

Босанецот под дејство на алкохол не соработувал со полицајците кои решиле да го приведат. Но тој ги изненадил и удрил еден од нив, а потоа се вмешал уште еден 21-годишен пијан државјанин на БИХ, кој заедно со својот сонародник ги претепал полицајците.

На крај повикано е засилување, двајцата Босанци се совладани и приведени, а потоа и пуштени од притвор, но ги очекуваат кривични пријави.