Шефот на дипломатијата на ЕУ, Жозеп Борел, најави дека рускиот претседател Владимир Путин и Доналд Трамп, можат да седнат на преговарачка маса да разговараат за ситуацијата во Украина.
„Се чини дека сè укажува дека Трамп и Путин ќе седнат на маса со Украина на менито“, рече дипломатот во интервју за радио станицата „Кадена СЕР“. Според него, рускиот лидер и новоизбраниот претседател на САД може да се обидат да постигнат договор за конфликтот. Во исто време, Борел увери дека Владимир Зеленски нема да се согласи на решавање на ситуацијата без учество на Украина.

Тој го оцени како загрижувачко вчерашното руско лансирање на балистичка ракета „Орешник“ кон украинскиот воено-индустриски комплекс во Дњепар.

– Лансирањето на проектили од ваков тип, дизајнирани за транспорт на атомско оружје и за огромни растојанија, е сериозно предупредување. Русија сака да покаже дека има воен капацитет што Украина го нема, истакна Борел.

Тој предупреди дека конфликтот ескалира со учество на севернокорејски трупи и интерконтинентални ракети. Според него, Украина треба да има право да користи оружје на руска територија бидејќи нападите доаѓаат од таму, а не од окупираните украински региони.

– Украина покажа неверојатна отпорност. Ова беше кампања што Путин очекуваше да трае две недели, но сега сме во трета година од војната. Украина ќе продолжи да се брани додека ние ја поддржуваме, заклучи Борел.