Во Италија воопшто не е чудно доколку некој фудбалер настапува за најдобрите екипи, во прв ред Интер, Милан и Јувентус. Најпознати примери се Бразилецот Роналдо, Андреа Пирло и Кларенс Седорф, а медиумите најавуваат вистинска бомба, Јувентус и Интер ќе разменуваат играчи.

Веќе е познато дека станува збор за ѕвездите на двете екипи, Мауро Икарди и Пауло Дибала.
И двајцата фудбалери до ланската сезона беа најдобри играчи во своите екипи, но сезонава се непожелни во своите екипи. Доаѓањето на Кристијано Роналдо во Јувентус го фрли Дибала во втор план, додека главниот проблем на Икарди е неговата сопруга Ванда Нара која во обидите да издејствува поголема плата на својот сопруг го навлече бесот на навивачите но и на челниците на екипата.

Интересно е што и двајцата фудбалери иако се Аргентинци, имаат италијански корења и се родени во иста година, 1993.

Во Интер се надеваат дека ќе успеат да ја реализираат размената до крајот на месецов и официјалниот старт на преодниот рок за да можат да се фокусираат и на останатите засилувања. Се очекува покрај Дибала, првите засилувањата да дојдат од Рома, Един Џеко кој веќе ги договори лични услови и бекот Александар Коларов.