Уште една одлучна акција на полицијата против нелегалното оружје е крунисана со кривична пријава, соопшти МВР – татко и син ќе одговараат откако полицијата во нивниот дом во кавадаречкото село Росоман лани во март открила две воздушни пушки, сигнален пиштол и куршуми.

„ОВР Кавадарци до Основното јавно обвинителство Кавадарци поднесе кривична пријава против З.П.(57) и Б.П.(34), двајцата од с.Сирково, општина Росоман, поради постоење на основи за сомнение за сторено кривично дело „неовластено изработување, држење, поседување и тргување со оружје и експлозивни материи“, казниво по член 396 став 1 од Кривичниот законик. На 18.03.2024, при претрес во нивниот дом и помошни простории во с.Сирково, извршен со содуска наредба, биле пронајдени и одземени две воздушни пушки, сигнален пиштол, куршуми различен калибар и други предмети“, пишува во полициското соопштение за успешната акција која ја докажува бескомпромисната и неселективна борба на МВР против криминалот од сите видови.