Ансу Фати некогш беше голема надеж на Барселона и се најавуваше дури како наследник на Лионел Меси, но во Барселона никогаш не ги оправда очекувањата

Откако стана јасно дека е вишок во каталонскиот гигант и Барселона не смета на него, сега пронајде нов клуб. Фудбалерот се сели во Монако каде што ќе настапува на позајмица, а клубот ќе има можност да го откупи неговиот договор за 11 милиони евра.

Фати своевремено на почетоците од кариерата рушеше рекорди стана најмлад стрелец во историјата на Барселона во Ла Лига, исто така ја доби и легендарната „десетка“, но набрзо се соочи со повреди кои беа само дополнителен проблем во неговиот развој. Не се снајде најдобро ниту на позајмицат во Брајтон, а во Барселона минатата сезона настапи само на шест натпревари.

Сега во Монако добива нова прилика, а интересно е што клубот од Кнежеството пред неколку дена потпиша договор и со Пол Погба, уште еден фудбалер кој не ги исполни очекувањата.