Maрио Балотели своевремено важеше за еден од напаѓачите со најголем потенцијал во Европа, но најмногу поради својот карактер, никогаш не го исполни тоа. Сега е во потрага по нов клуб.

Според последните информации на бугарските медиуми, Балотели започнал преговори со екипата на ЦСКА Софија.

Балотели е слободен играч откако му истече договорот со турскиот суперлигаш Адана Демирспор, па бугарскиот клуб не би требало да плати оштета за него.

Италијанецот има 34 години и досега во кариерата настапуваше за 11 клубови од пет земји. Играше во Италија, Англија, Франција, Турција и Швајцарија.

За репрезентацијата на Италија одигра 36 натпревари и постигна 14 погодоци. Со Италија беше европски вицешампион во 2012 година.