Музичарот Момчило Бајагиќ Бајага станал дедо на крајот од минатата година. Имено, сопругата на неговиот син Марко се породила на 27 декември и на свет ја донела малечката Сара.

„Така е, станав дедо. Ја имам убавата внука Сара и сега сѐ ми е порелаксирано во животот. Далеку од тоа дека криев дека станав дедо, но, едноставно, избегнувам да зборувам за приватниот живот“, изјавил Бајага за „Новости“.

Оваа година, фронтменот на „Инструктори“ ќе учествува на националниот избор за песна на Евровизија во Србија, овојпат како текстописец на две песни. Првата е „Две године и шест дана“ која ќе ја изведе групата Бибер, а втората е „Само не реци да волиш“, со која ќе настапи Душан Свилар.

„Песните се сосема различни и единствено заедничко им е тоа што се многу убави. Никогаш не сум работел за Евровизија, не ме интересирала и не возбудува идејата да победиме тука или таму. Важно ми е да имам две добри песни кои би сакал луѓето да ги чујат“, вели Бајага.

На 26 март, Бајага ќе настапи во загрепската „Арена“, како дел од концертот којшто ќе биде посветен на легендарниот Аки Рахимовски.

„Ме погоди смртта на Аки. Кога Хусеин Хасанефендиќ ми предложи да им се придружам и да ја отпеам „Године пролазе“, на почетокот бев збунет, бидејќи и јас имам песна којашто е насловена така. Сосема заборавив дека и тие имаат песна со истото име, песна која беше голем хит. Аки беше вистински тенор, а јас на концертот ќе пеам од ист тоналитет, но една октава пониско. Убаво е да се оддаде почит на некој кој толку долго забавувал генерации и генерации, вели тој.

ФОТО: Синот на Аки Рахимовски го посети гробот на Тоше