Досегашниот фудбалер на Борусија Дортмунд, Рафаел Гереро е уште еден фудбалер во низата кој Борусија ја заменуваат со најголемиот ривал, Баерн Минхен.

Португалскиот лев бек во Баерн Минхен пристигнува како слободен играч и потпиша договор до 2026 година.

Трансферот на Гереро беше најавен уште на 11-ти јуни и тоа од претседателот Харберт Хајнер. За Баерн ова е второто засилување летово откако претходно пристигна играчот за врска од Лајпциг, Конард Лајмер.

„Кога пристигна понудата од Баерн, брзо донесов одлука. Чест ми е што ќе имам можност да настапувам за овој голем клуб и многу го ценам Тухел, добро се познаваме од нашиот заеднички период во Дортмунд“, изјави Гереро.

Во текот на кариерата покрај Борусија тој настапуваше за француските клубови, Каен и Лориен, а со репрезентацијата на Португалија во 2016 година ја освои титулата на Европското првенство.

#ServusRapha ?

Ablösefreier Neuzugang: #FCBayern nimmt Raphaël Guerreiro unter Vertrag. ?⚪

— FC Bayern München (@FCBayern) June 23, 2023