Авто Испитен Центар испрати реакција на сторијата објавена на Алсат која ја пренесе „Слободен печат“ во врска со обвинувањата дека кандидатите за возачка дозвола им плаќаат мито за да положат градско возење.

„Бројот на полагањата зависи од квалитетот на обуката и покажаното знаење од страна на кандидатите за време на спроведување на возачкиот испит кој се спроведува спроред законот за безбедност во сообраќајот, правилникот за проверка на знаењето на кандидатите за возачи и оценувачките листи објавени во Сл.Весник на РСМ.

Во случај кога кандидатот за возач не го положи возачкиот испит, има право на приговор до испитниот центар, во рок од 24 часа од спроведувањето на возачкиот испит кој го разгледува комисија составена од членови на МВР и МОН во соогласност со ЗБСП.

Возачкиот испит се снима со двострани камери кој овозможуваат видео и аудио запис и снимениот материјал се чува во испитниот центар 90 дена од спроведениот испит според ЗБСП.

Авто испитен центар, ги охрабрува сите кандидати ако навистина некој им бара мито, тоа да го пријават веднаш до надлежните институции, особено тргнувајќи од фактот дека нудењето и давањето на мито е кривично дело“, објавува Авто испитен центар во својот демант.

Пријава за мито при добивање возачка дозвола: Се плаќаат стотици евра за полагање на градско возење