Државната комисија за спречување на корупција ја отфрли претставката на кандидатката за претседател Гордана Силјановска, дека вработен во Министерството за финансии во работно време бил во штабот на тогашниот кандидат за претседател, Стево Пендаровски.

Силјановска доставила и фотографија на која се гледа, наводно, вработениот во министерството, во 15:55 часот, во изборниот штаб на Пендаровски.

Антикорупциска постапиле по предметот и добиле одговор од министерството дека не станува збор за вработен, туку лице ангажирано со договор за консултантски услуги во склоп на проект подdржан од Меѓународната банка за обнова и развој и Светската Банка.

– Со други зборови, вработениот, нема статус на административен службеник. Згора на тоа директорката тврди дека лицето во тие денови, во тоа време, користел свои денови од годишен одмор – објасни антикорупционерката Софка Пејовска Дојчиновска, на денешната седница на ДКСК.