Во среда Законот за игри на среќа повторно ќе се најде на дневен ред во Парламентот откако пред две недели помина во Собранието, но претседателот Пендаровски не го потпиша.

Од Антикоцкање бараат законот да се изгласа со мнозинство на пратеници, за да нема законска основа Пендаровски повторно да го врати во законодавниот дом.

„Ние очекуваме да не се лажеме повторно како минатиот пат кога гласаа 55 пратеници, тоа е едно лажење на народот во Македонија и на движењето Антикоцкање. Затоа ги повикувам сите пратеници без разлика на позиција или опозиција, да не прават политика со овој закон оти овој закон е прв кој не штити. Повикувам сите пратеници да размислат и да го поддржат овој закон и да помине со 61 пратеник, односно да се гласа со мнозинство на пратеници, вели Јуши Емурлаи од движењето Антикоцкање.

Минатиот пат законот помина со европско знаменце, но со просто мнозинство. Изненадени сме од Пендаровски кој не го потпиша законот оти потпишувал и други закони за кој имал поголеми основи да ги врати, велат од Антикоцкање.

„Затоа бараме сега сите пратеници да размислат овој закон да го поддржат. Се работи за закон кој е во во интерес на народот, а не на некоја партија или власт. Ние не ја отфрламе можноста дека власта малку си игра со законот оти во Собранието има 120 пратеници, тоа не е нормално од 120 само 55 да гласаат“, рече Емурлаи.

Од Асоцијацијата на спортски обложувалници во неколку наврати истакнаа дека законот не решава ниту еден проблем поврзан со игрите на среќа, а последиците од ваквите измени ќе бидат трајни и како што рече илјадници луѓе ќе ги изгубат своите работни места.

Протест на АСОМ и АПИС: Ако се изгласа Законот за игри на среќа илјадници луѓе ќе ги изгубат работните места