Мнозинството Американци сепак продолжуваат да го поддржуваат носењето маски за граѓаните кои патуваат со авиони и друг заеднички превоз. Ова меѓудругото го покажа новата анкета направена од Асошиејтед Прес и Центарот за истражувања на јавните односи која говори дека 56% од Американците се залагаат од патниците во авионите, возовите и јавниот превоз да се бара да носат маски, споредено со 24% против и 20% кои велат, дека не се ниту ЗА, ниту Против.

Интервјуата за анкетата на АП беа спроведени од четврток до понеделник, непосредно пред федералниот судија во Флорида да ја укине наредбата за задолжително носење маски во авиони и во јавниот превоз.

Авиокомпаниите и аеродромите веднаш ги укинаа наредбите патниците да носат маски.

Управата за безбедност во транспортот престана да го спроведува условот за носење маска, а Одделот за правда во вторникот објави дека нема да се жали на пресудата освен ако Центрите за контрола и превенција на болести не утврдат дека сè уште е неопходно носење маски.

Breaking News: The four largest U.S. airlines — United, Delta, Southwest and American — dropped their mask requirements for domestic flights after a judge struck down the federal mandate. https://t.co/3V1GfwsUHU

— The New York Times (@nytimes) April 19, 2022

Во исто време анкетата покажува широка партиска поделеност по ова прашање. Меѓу демократите, 80% го поддржуваат, а само 5% се противат на барањето за носење маски. Меѓу републиканците, 45% се против, во споредба со 33% ЗА, а 22% не се изјасниле, ниту едното ниту другото.

Континуираната поддршка меѓу Американците за задолжителни маски во јавен превоз доаѓа дури и кога загриженоста за Ковид-19 е на најниско ниво во последните две години. Само 20% сега велат дека се многу или крајно загрижени дека тие, или член на семејството, ќе бидат заразени. Тоа е благо намалување, бидејќи 25% го кажаа истото пред само еден месец и од 36% во декември и јануари додека беснееше варијантата Омикрон.

Други 33% сега велат дека се малку загрижени, додека 48% велат дека воопшто не се загрижени дека би можеле да бидат заразени од Ковид.

Во друга анкета на АП и НОРК спроведена минатиот месец, 44% од Американците сè уште истакнаа дека често или секогаш носат маски за лице надвор од нивните домови, иако тоа е значително намалено, споредено со 65% од граѓаните, коишто практикуваа носење маски на почетокот на годината