Амстердам е последен во низата што најавува зголемување, а исто така, доколку се прифати одлуката, ќе стане град со највисока туристичка такса во Европа.

Туристичката такса треба да се зголеми за 12,5 отсто, што ќе ја направи најскапата наплата од ваков вид во Европската унија. Ова значи дека со просечна цена на собата од 175 евра по лице, зголемувањето ќе резултира со зголемување од 15,25 евра на 21,80 евра по ноќ во 2024 година. Таксата за патници за крстарење ќе се зголеми од 8 на 11 евра по посетител. Градскиот совет во наредните недели ќе расправа за буџетот и ќе се залага за промени кои ќе се проценат дека се неопходни. Конечниот буџет ќе биде усвоен во ноември, известува Телеграф Бизнис.

Венеција од следната година ќе воведе туристичка такса за дневните посетители. Ќе изнесува 5 евра. Пробниот тест период, од еден месец, ќе се спроведе за време на пролетните и летните викенди наредната година.

Валенсија, исто така, најави дека ќе воведе туристичка такса за патниците кои престојуваат во сите видови сместување во регионот, вклучувајќи хотели, хостели, апартмани и кампови. Ќе стапи на сила на крајот на 2023 година или на почетокот на 2024 година. Посетителите ќе треба да платат меѓу 50 центи и 2 евра за ноќ, во зависност од избраното сместување, до седум ноќевања. Исланд – се приклучува кон наплатата на туристичката такса. Нордиската земја забележа нагло зголемување на туристите во изминатата деценија.

Бројот на посетители се зголеми за повеќе од 400 проценти помеѓу 2010 и 2018 година, кога достигна повеќе од 2,3 милиони. Износот што посетителите ќе треба да го платат сè уште не е дефиниран, иако премиерката Катрин Јакобсдотир рече дека „на почеток нема да биде висока“, според Блумберг. Надвор од Европа, азиската земја Бутан има убедливо највисока туристичка такса. До пред некој ден изнесуваше 200 евра по лице на ден. Данокот за престој во Белград е 90 денари за ден престој.