Tимот на Алкалоид претрпе пораз на гостувањето кај Бергингбо Силкеборг во четвртиот натпревар од групната фаза во Лигата на Европа со 35:31.

Ракометарите на македонскиот претставник беа рамноправен и на моменти подобар противник, но домаќините со неколку серии го обезбедија триумфот. Посебно решавчки момент беше стартот на вториот дел кога Силкеборг од минимална предност дојде до +6 со што започна да го трасира патот кон победата.

Поведе Алкалоид на почетокот од мечот, но тоа водство не го задржа долго, Силкеборг со серија од 4:0 поведе 7:3. Избраниците на Кире Лазаров не се предаваа и успеваа да дојдат до еден гол негатива, а со таа предност Силкеборг замина и на полувремето (17:16).

Почетокот на вториот дел целосно му припадна на данскиот тим кој со серија од 5:0 дојде до 22:16. Се обиде Алкалоид да се врати, но домаќините не дозволија.