Репрезентативецот на Македонија, Езгјан Алиоски по скоро три месеци се врати во првиот тим на Фенербахче во куп натпреварот против Кајсериспор.

Во битката за полуфинале Фенербахче лесно се справи и славеше убедлива победа од 4:1. Пред овој натпревар денес, Алиоски последен пат беше во составот на турскиот гигант на 15-ти јануари кога Фенербахче играше против Газиантеп.

Aлиоски не само што беше во составот денес, туку го одигра и целиот натпревар. Фенербахче во првото полувреме водеше со 2:1 со головите на Мор, а во вториот дел погодуваа Дурсун и Гулер.

Фенербахче во полуфиналето ќе ги одмери силите со тимот на Сиваспор.