Среде улица во населбата Мениди во Атина рано утрово е пронајдена мртва 40-годишна Албанка. Жената имала убодни рани од нож во стомакот. Грчката полицијата трага по нејзиниот сопруг кој е осомничен за убиството.

Грчките медиуми повикувајќи се на полициски извори објавуваат дека жената во три наврати во последните 11 години го пријавувала сопругот за семејно насислтво.

Конкретно, првата пријава била поднесена на 3 април 2013 година, при што жената поднела пријава против нејзиниот поранешен партнер заради семејно насилство по што тој бил уапсен и одведен кај обвинител.

Втората пријава е поднесена на 18 септември 2022 година при што жртвата го пријавила сопругот дека се заканува, за физичка повреда и вербална злоупотреба. Мажот повторно е приведен и однесен кај обвинител. Во овој момент треба да се напомене дека постоел судски налог врз основа на кој на мажот му било забрането да живее со жртвата, но таа самата му го дозволувала тоа од 2018 година.

Последната пријава е поднесена на 07 мај годинаа, повторно за семејно насилство (закана, физичка повреда и вербална злоупотреба). Човекот е уапсен и однесен кај обвинител, додека судењето е експресно закажано за утре, петок, 17 мај 2024 година. Два дена по инцидентот командандирот на единицата за семејно насилство и се јавил на жената и таа му рекла дека е добро.

При пријавувањето на последниот насилнички напад несреќната жена добила од полициајта и дополнителни информации, упатства и печатен материјал, за да добие соодветна помош ако во меѓувреме повторно ја нападне. Дополнително, таа била информирана за можноста да ја инсталира апликацијата „Panic Button“ на нејзиниот мобилен телефон и добила шифра за пристап до таа апликација. Воедно, била информирана за можноста да се префрли да живее во сигурна куќа, но изјавила дека не сака.

Грчката полиција соопшти дека убиецот се уште не е лоциран, а албанските медиуми јавуваат дека е Албанец и двојката немала деца.

Соседи сведочеа дека рано утрово слушнале повици за помош и повикале полиција, но веќе било предоцна да се спаси животот на злоупотребуваната жена.