Жртвите за актерката Алисон Мек: „Таа беше неверојатно сурова манипулаторка“
Актерката од популарната телевизиска серија „Смолвил“ е осудена на три години затвор поради учество во злогласната секта „Нексијум“ (NXIVM), која се занимавала со шверц, , изнуда, опструкции и рекетирање.
Актерката во средата беше осудена пред судот во Њујорк, откако во април 2019 година ја призна вината по една точка во обвинението за рекетирање и една за заговор, а се очекува дека на издржување на казната ќе биде испратена на 29 септември.
Препорачано
View this post on Instagram
Пред да биде осудена, Алисон неколку денови порано во писмо до своите адвокати напишала дека многу жали поради целата ситуација и дека соработката со Кит Ренијери, лидерот на овој злогласен култ осуден дури на 120 години затвор, била најголема грешка во нејзиниот живот.
„Сега ми е од голема важност да кажам дека ми е многу жал. Влегов во учењето на Кит Ренијери со сè што имам. Со цело срце верував дека неговото менторство ме води кон подобра, посветена верзија на себе. Му се посветував со својата верност, ресурси и на крај со својот живот. Тоа беше најголемата грешка и се каам поради тоа“, напишала актерката.
Таа додала дека жали што многу личности биле „колатерална штета на нејзините деструктивни избори“, а таа ќе го „помине остатокот од својот живот работејќи на тоа да биде подобра и почувствителна жена“.
Адвокатите барале актерката да не добие голема затворска казна откако ги признала кривичните дела, како и поради фактот дека нагласила оти многу се кае.
View this post on Instagram
„Жалам поради сите вас што ве воведов во култот. Жалам што било кога ве изложив на подлите и емоционално насилни шеми на овој изопачен човек. Жал ми е за вас што ве поттикнав да ги користите своите ресурси и да учествувате во нешто што на крајот беше толку грдо“, навела понатаму Алисон во своето писмо и уште напишала дека не ја сфаќа лесно одговорноста што ја има во нивните животи и чувствува голема тежина и вина поради злоупотребата на довербата на оштетените.
Една од жртвите, Џесика Џоан, зборуваше на изрекувањето на пресудата и кажа дека Мек емоционално манипулирала со неа и на крај ѝ наредила да го „заведе“ Ренијери, со ветување дека со тоа ќе се ослободи од траумата од претходно сексуално злоупотребување, а таа не ја одбила наредбата.
View this post on Instagram
Меѓу припадничките на овој култ беше и Индија Оксенберг (27), ќерката на актерката Кетрин Оксенберг, од која всушност започна да се одмотува клопчето за вистината за овој култ. Имено, Кетрин сама ја започна битката да ја ослободи ќерка си, која ѝ открила што навистина се случува во култот.
Алисон Мек претходно се изјасни виновна за една точка за рекет и една точка за заговор во април 2019 година. Обвинителите ја обвинија за регрутирање сексуални робови за Ренијери (60) и неговата подгрупа опишана како целосно тајно друштво на „господари“ и „робови“, во кое жените наводно биле принудени да му бидат сексуално подредени на Ренијери. Алисон Мек се соочуваше со можност да добие 15 години до животна казна.
View this post on Instagram
Во меѓувреме, Ренијери во октомври минатата година беше осуден на 120 години затвор. Изрекувањето на пресудата беше по две години откако властите го одведоа во притвор во Мексико. Тој во јуни 2019 година беше прогласен за виновен за шверц и сексуална трговија, изнуда, опструкции и рекетирање.
