Ако сакате лалињата да ви траат подолго, чувајте ја вазната подалеку од ова овошје: Им го скратува животниот век и ги овенува
Лалињата спаѓаат во најубавите пролетни цвеќиња, но, за жал, тие кратко траат во букети и цветни аранжмани. Обично по неколку дена нивните стебленца почнуваат да венеат, а ливчињата ја губат својата свежина. Сепак, постојат едноставни начини како да им го продолжите животниот век за дури две недели.
Препорачано
За вашите лалиња да траат што подолго во вазна, применете ги испробаните трикови кои ги користеле и нашите баби. Покрај тоа што е важно стебленцата да ги засечете накосо за подобро да ја впиваат водата, важно е и местото каде што ја чувате вазната со ова пролетно цвеќе. Иако многу луѓе ја ставаат вазната со лалињата на трпезариската маса, во близина на чинија во која има овошје, ова е голема грешка. Повеќето овошја, а на прво место јаболката и бананите, испуштаат гас етилен, кој го забрзува процесот на венење на лалињата и го скратува нивниот животен век.
Ако сакате вашите лалиња да траат подолго, чувајте ги подалеку од овошје. Воедно, може да примените старомодни трикови за му помогнете на ова пролетно цвеќе да трае што е можно подолго во исечена состојба.
Шеќерот како омилена храна за лалињата
Во вазната со вода растворете една лажица кристал-шеќер (на литар вода додајте лажица шеќер), оставете да отстои пет минути шеќерот да се раствори и дури потоа ставете го цвеќето. Шеќерот ги храни лалињата и прави да траат подолго.
Аспирин за одржување на свежината на лалињата
Најефикасен начин да ја продолжите свежината на лалињата е во водата да додадете половина таблета аспирин. Тој, имено, помага да се спречи создавањето на бактерии, кои, пак, може да ја спречат апсорпцијата на водата. Благодарение на аспиринот, лалињата ќе останат свежи подолго, а ливчињата нема да почнат да бледнеат толку брзо.
Лимонтус против гниење на стебленцата
Освен шеќер и аспирин, нашите баби користеле и лимонска киселина во прав за лалињата да траат што подолго. Прстофат лимонтус додаден во вазната со вода со лалиња ќе го спречи гниењето на стебленцата, ќе ја намали пХ вредноста на водата и ќе им помогне на лалињата да останат свежи подолго.
Идеално место за вазната со лалиња
Освен што им годи свежа вода во вазната (променете ја на секои три дена), лалињата претпочитаат да бидат подалеку од директни извори на светлина и топлина. Не држете ги во близина на радијатори и избегнувајте да ги изложувате на директна сончева светлина.
