Осветлувањето на познатата Ајфелова кула во Париз најверојатно ќе се исклучи порано од вообичаено, за да се заштеди енергија, а зад овој предлог стои градоначалничката на француската престолнина Ан Идалго.

Како што пренесува магазинот „Журнал ди диманш“, градоначалничката оваа недела пред градските власти ќе презентира план со кој ќе се намали потрошувачката на струја поради енергетската криза во Европа.

Светлата околу кулата ќе бидат исклучени околу 23:45 часот, а има повеќе од 300 проектори кои ќе ја осветлуваат главната туристичка атракција на градот.

Во текстот се додава дека доколку предлогот биде усвоен, потегот ќе биде посимболичен.