Лидерот на ДУИ Али Ахмети денеска му подаде рака на мандатарот Зоран Заев за формирање на коалициона влада.

– Сакам да го поздравам постигнатиот договор меѓу ДУИ и СДСМ. Ова се случува во момент кога земјата се соочува со предизвици од пандемијата со Ковид-19. Имајќи ги предвид граѓаните треба побрзо да конституираме институциите на државата за да сите граѓанида имаат подобар живот. Значајно е дека денешната коалиција се основа на здрави темели и ќе придонесе за добар тек на сите процеси во државата. Јас сум убеден дека ова партнерство кое го надградуваме за 4 години ќе биде најуспешно. На следната Влада и посакувам многу успех. На оваа коалиција исто така, успешна работа и не би сакал да одземам повеќе време, бидејќи тоа што го кажа Зоран Заев е договорено, истакна Али Амети по средбата со Заев.