Светскиот шампионат од Лион се пресели во редовите на Реал Бетис и сите ги изненади со таквиот потег. Агентот на Фекир, Жан-Пјер Берн изјави за француските медиуми дека преговорите помеѓу фудбалерот, Лион и Ливерпул траеле четири месеци и беше многу блиску пред потпис, но во последен момент пропадна трансферот.

– Набил беше приоритет на Ливерпул. Работев четири месеци на тој трансфер, разговарав со првите луѓе на Ливерпул, менаџерот Јирген Клип и претседателот на Лион, Жан-Мишел Олас. Сите детали скоро беа завршени, трансферот требаше да заврши за 45 милиони евра и со договор на четири години – рече агентот Берн.

Nabil Fekir's former agent offers insight into 'surreal' collapse of Liverpool transfer https://t.co/1nULZmNLvK #nabil #fekir

— Kick Paper (@kickpapernews) October 5, 2019

Во продолжение ја истакнува и причината зошто Фекир не го засили Ливерпул.

– На денот кога Фекир требаше да го потпише договор, се појави неговиот полубрат и веднаш на челниците на Ливерпул им рече да се прекинат преговорите и дека истите мора да тргнат од почеток. Ме фати срам, мислев дека сме во некој филм на „Дизни“. Неговиот полубрат глумеше како да му е агент, а не е. Сакаше пари од трансферот, сите тоа го знаат – додаде Берн.

Покрај тоа, играчот падна и на лекарските прегледи. На „Енфилд“ утврдија дека неговото колено не е во добра состојба. Агентот е убеден дека токму „лудата“ реакција на полубратот е главната причина поради која францускиот фудбалер денес го гледаме во Бетис, а не во дресот на актуелниот европски шампион.

Оваа сезона досега Фекир за Реал Бетис запиша два натпревари и постигна два голови. После осум одиграни кола Реал Бетис во шпанската „Ла Лига“ се наоѓа на 12 позиција.