Општина Центар заврши со реконструкцијата на Улица 2, Станбена 3 и Пешачка улица 102а, кои заедно ја сочинуваат таканаречената Адвокатска улица.

Стариот и дотраен асфалт на коловозот се замени со нов, висококвалитетен, на вкупна површина од 1270 метри квадратни. Изведени се нови рабници од двете страни на тротоарите, поставен е долен строј на улицата и изведена е нова атмосферска и водоводна канализација – информираат од Центар за преземените активности.

Оттаму додаваат дека освен овие, досега се реконструирани и улиците„Козара, Шарски одреди, Новопроектирана 2, Дебарца, Црвена Вода, Ј. Х.Џинот, Ристо Шишков, „Петар Поп Арсов, Рајко Жинзифов, крак од улицата Партизанска, Антон Панов и Никола Тримпаре.

Како што најавуваат од Центар во наредни за реконструкција според програмата за работа се улиците Ленинова и тоа делот од булевар Партизански Одреди до улицата Митрополит Теодосиј Гологанов, како и Алберт Ајнштајн, Андон Дуков и Донбас.