Покрај главните улоги во филмовите „The Witch“ и „Emma“, 24-годишната актерка доби високи признанија од филмската критика за нејзината волшебна изведба на шахистка во хит драмата „The Queen’s Gambit“ во продукција на „Netflix“, таа смета дека не ги исполнува таканаречените „стандарди за убавина“ на Холивуд, потребни за големото платно.

„Никогаш не сум мислела и никогаш нема да се сметам себе си за убава“, изјави Тејор-Џој за списанието „Sun“.

Странските медиуми почнаа да ја нарекуваат „актерката со Бамби очи“.

„Мислам дека не сум доволно убава за во филмови. Звучи патетично и моето момче ме предупредува дека луѓето ќе мислат дека сум апсолутно луда затоа што ги кажувам овие работи, но јас мислам дека изгледам чудно“, вели таа.

„Никогаш нема да одам во кино за да гледам мој филм, го гледам претходно. Убавината на тоа да си во своја кожа е тоа што не мора да го гледате сопственото лице“, изјави Ања.

Младата ѕвезда во подем, која се прослави со главната улога во филмската адаптација на романот „Ема“ од Џејн Остин откри дека имала вистински панични напади за време на снимање.

„Си помисив: „Јас сум првата грда Ема и не можам да го сторам тоа“, бидејќи првата сцена во филмот е: – Јас сум убава, умна и богата“, објасни актерката.

Тејлор-Џој знаела дека ќе биде актерка уште кога имала само шест години. Актерката има шкотско-аргентински-афро-шпански корени и вели дека имала тежок почеток откако се преселила од Буенос Аирес во Лондон на 8-годишна возраст и не знаела англиски јазик.

„Јас бев премногу Англичанка за да бидам Аргентинка, премногу Аргентинка за да бидам Англичанка, премногу Американка“, вели актерката, откривајќи дека била многу осамена како дете, се чувствувала изолирана создавајќи слика во нејзината глава дека да се биде сам е лошо.

Во актерската кариера на Тејлор Џој се вклучени и блокбастерите „Glass“ и „Split“, серијата „Peaky Blinders“ во продукција на „BBC“ како и во адаптацијата на „BBC“ за најпродаваниот роман на Џеси Бартон „The Miniaturist“.

Нејзини претстојни проекти го вклучуваат трилерот на Едгар Рајт „Last Night in Soho“, во кој таа глупи млада жена со пасија за моден дизајн, која мистериозно е во можност да влезе во 60-тите години на минатиот век, каде што ќе се сретне со нејзиниот идол… Како и филмската адаптација на романот на Франческа Лиа Блок „Weetzie Bat“ и уште многу други проекти.

Актерката неодамна во интервју за списанието „Bazaar“ прозборе и за ситуацијата со пандемијата на коронавирус.

„Се вратив во Лондон за карантинот. Бев со мојот сакан (нејзиниот партнер фотографот Бен Сид) и двајца наши пријатели. Беше навистина убаво да се биде во нивно друшство… Јас сум многу благодарна за просторот што ми беше овозможен за време на оваа пауза… Благодарна сум и за мојот емоционален раст во овој период“, изјави Ања.

Која е девојката од хит-серијата „Кралски гамбит“ по која светот полуде?