Ѕвездата на Јута донира 12 милиони долари на поранешното училиште
Најдобриот кошаркар на Јута џез, Донован Мичел со последниот потег не остави никого рамнодушен во САД.
Мичел донира дури 12 милиони долари на „Greenwich Country Day School“ во Конектикет, за стипендии на децата кои се сиромашни како и за изградба на нова спортска сала.
„Ова ми значи многу. Не само изградбата на нова спортска сала туку и доделувањето стипендии на помалку среќните деца кои не можат да си дозволат да посетуваат приватно училиште“, напиша Мичел.
Man this means so much to me! Not just building a brand new gym but giving scholarships to less fortunate kids who normally wouldn’t have the opportunity to attend private school! https://t.co/QrfLVTOZJX
— Donovan Mitchell (@spidadmitchell) December 4, 2020
Освен кошаркарот на Јута во истото училиште учеше и неговата сестра Џордан, додека нивната мајка Никол од 2007 до 2019 година работеше како учителка во „Greenwich Country Day School“.
– Донован беше добар ученик и добро момче, а го претставува нашето училиште како спортист. Отсекогаш беше момче за пример – изјави директорот на училиштето, Адам Роуди.
Донован Мичел пред десетина дена потпиша петгодишен договор со Јута џез за максимални 196 милиони долари.