Зверев: Самодовербата ми е на нула
Александер Зверев е најнепријатното изненадување на стартот од третиот годинашен гран слем, Вимблдон. Германецот кој беше четврти носител е елиминиран уште на стартот од чешкиот тенисер, Јиржи Весели со 3:1 во сетови (4:6,6:3,6:2,7:5).
– Ова беше типичен гран слем меч за мене. Започнав добро и потоа се случија една две работи кои не беа во моја корист и се се распадна. не загубив поради играта, едноставно самодовербата ми е на нула – изјави Зверев.
Покрај Зверев, кај дамите е елиминирана втората носителка, Наоми Осака која не беше расположена да дава одговори на прашањата на новинарите. Осака загуби од Јулија Путинцева во два сета со 7:6,6:2.
– Едноставно не одиграв добро, но не сум изненадена од нејзината игра бидејќи и во минатото имавме неизвесни дуели. Во женскиот тенис секој може да победи секого. Поради тоа воопшто не ми е лесно – рече Осака.